AS LANZADEIRAS DE EMPREGO E EMPRENDEMENTO SOLIDARIO. Susana Díaz Carreras.

As Lanzadeiras de Emprego e Emprendemento Solidario

1. Orixe:

Nacen da man do arquitecto, debuxante, humorista, escritor e presidente da Fundación Santa María la Real, José María Pérez, “Peridis”, como alternativa e solución ó momento actual de crise económica global e ás elevadas taxas de paro. 

O que propón é un cambio no enfoque e no tratamento das políticas de inserción laboral desenvolvidas ata o momento. 

Comenzaron a funcionar no ano 2013 en Aguilar de Campo, Palencia.

2. Lanzadeiras de Emprego coma concepto:

Constitúen unha innovadora fórmula para encarar o desemprego. Non é un curso nin é unha axencia onde se ofrece traballo ós participantes, é un programa intensivo de fomento do emprego coa cofinanciación do Fondo Social Europeo dentro do programa operativo Poises. Para os participantes é gratuito.

3. Actitude dos participantes:

Fórmase un equipo o máis  heteroxéneo posible de desempregados co fin de que entre eles non exista competencia á hora de buscar traballo, serán persoas activas, visibles e solidarias (axudaranse uns ós outros), deberán desprenderse da pasividade, sensación de soledade e desilusión que normalmente caracterizan ás persoas nesta situación e afrontar esta nova etapa con ilusión e optimismo. Acceden ó programa de forma voluntaria.

4. ¿Cómo funcionan estes grupos?

Cada Lanzadeira está formada por un equipo de 20 xoves desempregados menores de 35 anos, que ó longo de cinco meses reuniranse tres veces á semana para reforzar competencias na sua busca activa de emprego para lograr acceder o mercado laboral. 

Poderán ter calquer nivel formativo (ESO, Formación Profesional, Bacharelato, así como diplomaturas ou licenciaturas universitarias) e proceder de cualquer sector laboral, teñan ou non experiencia previa. 

5. Funcións e tarefas do coach:

Desenvolve o papel de dinamizador do equipo mantendo ós desempregados coma os propios protagonistas dos procesos de empregabilidade.

Para que os participantes recobren a ilusión, descubran, potencien e reforcen as competencias e habilidades das que xa dispoñen e descubran outras novas traballan con eles os seguintes aspectos:

• Creatividade.
• Intelixencia emocional.
• Comunicación.
• Entrevistas de traballo.
• Preparación do currículum.
• Marca persoal.
• Mapas de empregabilidade.
• Oportunidades de negocio.
• Busca de emprego 2.0.

6. Resultados do programa e previsión futura:

Facendo un balance global dende o inicio ata a actualidade as Lanzadeiras de Emprego conseguiron que o 50% dos participantes no programa atoparan un emprego por conta propia ou allea ou volvesen retomar os estudos. Isto permitiu que o programa fose recoñecido pola Unión Europea e a Fundación Santa María la Real sexa beneficiaria do Fondo Social Europeo para poñer en marcha máis de 500 lanzadeiras de Emprego ata finais de 2019. 

Pola súa filosofía novedosa e os seus bos resultados, as Lanzadeiras están a expandirse e proxectarse por toda a xeografía do país.

"Quen ten unha razón para vivir, acabará por atopar o cómo". -Peridis.

Para saber máis: 

Lanzadeiras de Emprego

Formulario preinscripción Lanzadeiras de Emprego